Hnýtingakvöld í Veiðiflugum

Sigþór Steinn Ólafsson

Sigþór hefur stundað fluguveiði frá blautu barnsbeini. Í um tvo áratugi hefur hann starfað við leiðsögn víða um land, s.s. í Kjarrá, Laxá, Selá og Hofsá. Sigþór er ástríðu veiðimaður og gildir einu hvort egnt er fyrir lax eða silung. Yfir vetrarmánuðina heldur hann úti hlaðvarpinu Hylurinn, þar sem umfjöllunarefnið er fluguveiði og fluguhnýtingar, en ekki hvað. Sigþór er afkastamikill fluguhnýtari og er svo til jafnvígur á silunga- og laxaflugur.

Valgarður Ragnarsson

Valgarður, eða Valli eins og hann er jafnan kallaður, er einn af reynslumestu veiðimönnum landsins. Hann hefur líkt og Sigþór stundað fluguveiði frá unga aldri. Valli hefur starfað við leiðsögn í mörgum af þekktustu ám landsins í rúma þrjá áratugi. Hann er listahnýtari og eftir hann liggja fjölmargar gjöfular flugur, bæði laxa- og silungaflugur. Valli er einn leigutaka Húseyjarkvíslar í Skagafirði, en segja má að þar hafi veiðiáhuginn fyrst kviknað.