Patagonia Traverse Mittisvöðlupakki II

Patagonia Traverse Mittisvöðlupakki II er hentugur pakki fyrir veiði þar sem léttleiki, góð hreyfigeta og traustir skór skipta máli. Swiftcurrent Traverse mittisvöðlurnar frá Patagonia nýtast vel í minni ám, grynnra vatni og á hlýrri dögum þegar brjóstvöðlur eru óþarfar.

Vöðlurnar eru saumaðar úr fjögurra laga H2No™ Performance Standard efni sem er vatnshelt, andar vel og þolir reglulega notkun. Efnið er úr 100% endurunnu hráefni og er með DWR-áferð sem hrindir frá sér raka. Þær eru léttar og meðfærilegar en samt nægilega sterkar fyrir virka veiði.

Teygjanlegt mitti og SecureStretch vöðlubelti sjá til þess að vöðlurnar sitji vel án þess að þrengja. Rennilás með fellingu að framan eykur notagildi og gerir þær þægilegri yfir daginn. Sniðið er mótað með hreyfigetu í huga, með styrktum saumum, mótaðri setu og skálmum sem draga úr álagi þegar gengið er, vaðið eða kropið.

Á lærum eru teygjanlegir vasar með frárennslisholum sem veita skjótan aðgang að smærri búnaði. Neðst eru slitsterkar styrkingar við ökklasvæði til að verjast núningi og sokkarnir eru anatomískir svo þeir falli vel í vöðluskóm. Vöðlurnar eru framleiddar í Fair Trade Certified™ verksmiðju.

Í pakkanum er val á milli tveggja vöðluskóa frá Korkers. Devils Canyon eru léttir og þægilegir skór sem falla vel að fæti og veita góðan ökklastuðning. Þeir eru með styrktri tá og hæl og frárennslisrásum sem hleypa vatni hratt úr skónum þegar komið er upp á bakka.

Darkhorse skórnir eru sterkari í uppbyggingu og veita aukinn stuðning við krefjandi aðstæður. Þeir eru með 3PFS-kerfi sem skorðar fótinn vel og styður við ökkla og liðbönd. Báðir skórnir eru með M4 BOA® vírakerfi og útskiptanlegum OmniTrax-sólum þar sem fylgja bæði gúmmí- og filtbotnar.