Patagonia Swiftcurrent Mittisvöðlupakki I

Sannarlega flottur mittisvöðlupakki sem samanstendur af Swiftcurrent vöðlunum frá Patagonia og vönduðum vöðluskóm frá Korkers. Vöðlurnar eru gerðar úr 100% endurunnum efnum sem státa af góðri öndunarfilmu sem nefnist H2No®.

Swiftcurrent eru virkilega vandaðar mittisvöðlur frá Patagonia. Þær eru gerðar úr 100% endurunnum efnum sem státa af góðri öndunarfilmu sem nefnist H2No®. Vöðlurnar eru einsauma (e. single-seam) sem tryggir lengri endingu, eykur hreyfigetu og þægindi. Mittið er með góðri teygju en auð auki fylgir vöðlunum gott teygjubelti. Að framan eru tveir rúmgóðir vasar fyrir hendur, eða undir fluguboxin. Sandhlífar eru einnig með teygju sem tryggir að þær haldist kyrfilega yfir vöðluskónum. Vöðlusokkarnir eru sérstaklega hannaðir til að standast mikið álag en þeir eru ekki framleiddir úr hefðbundnu neoprene-efni. Þess í stað notar Patagonia blöndu af gúmmíefnum, samskonar þeim sem notuð eru í blautbúninga.

Vöðlunum fylgja vandaðir vöðluskór frá Korkers, en hægt er að velja á milli Devils Canyon og Darkhorse skónna. Devils Canyon eru ákaflega léttir vöðluskór sem falla vel að fótunum. Þeir eru með góðan ökklastuðning, þeir eru fljótir að þorna en sérstakar rásir tryggja að vatn eigi greiða leið úr skónum þegar á bakkann er komið. Hæll og tá eru sérstaklega styrkt en skórinn sjálfur er framleiddur úr mjúku gúmmíefni sem aðlagar sig að fótum notenda.

Darkhorse skórinir eru uppbyggðir á svipaðan hátt og Devils Canyon. Þeir eru þó búnir sérstöku 3PFS-kerfi, sem eykur þægindi til muna og styður um leið við ökkla og liðbönd. Hællinn er klæddur þar til gerðum stuðningspúðum sem skorða fótinn örugglega. Báðir skórnir eru með M2 Boa® vírakerfi sem gerir reimarnar óþarfar og eykur mjög þægindi við veiðar en ekki síður við að fara í þá og úr. Þá er skórnir með útskiptanlegum OmniTrax-sólum, en þeim fylgir bæði gúmmí- og filtbotn.