Myrká – Fjölenda Flotlína

Myrká – Fjölenda Flotlína

Myrká er einstaklega fjölhæf lína sem hentar mjög vel á einhendur og switch-stangir þar sem sveigjanleiki, fágun og kraftur þurfa að fara saman. Hún sameinar skothaus og rennilínu í eina samfellda heild, sem gerir hana einstaka í samanburði við hefðbundnar skothausalínur – ekki aðeins hvað varðar köst, heldur einnig stjórn og flæði línunnar í vatni og lofti. Með þessari samþættu hönnun hverfa öll samskeyti milli línuhluta, og veiðimaður fær beinni tengingu við fluguna og meiri stjórn á línunni allan tímann. Myrká er fjölenda (Multi Tip) flotlína og skal ávallt notast með viðeigandi línuenda.

Þrátt fyrir að vera stutt lína nær Myrká að skila ótrúlega fínlegri framsetningu, en býður jafnframt upp á nægilegt afl til að kasta þungum sökkendum og stærri flugum þegar þess þarf. Hún nýtist í mjög fjölbreytta veiði, hvort sem kastað er fyrir lax eða urriða –staðbundinn og sjógenginn. Línan hleður stöngina áreynslulaust og stendur sig sérlega vel í krefjandi aðstæðum.

Notkun, samsetning og stærðir
Myrká er í grunninn flotlína en ætluð til notkunar með 10′ eða 12′ línuendum, ýmist flot eða sökk. Línan virkar ekki án enda – lokakastþyngd fæst með samsetningu skothauss og línuenda.

Viðmið um línuþyngd án línuenda:
• 200 grain – Einhenda #6
• 225 grain – Einhenda #7
• 250 grain – Einhenda #8
• 275 & 300 grain – Léttar Switch-stangir #6–#8

Myrká opnar nýja möguleika í einhenduveiði, þar sem markmiðið er að ná áreynslulausum köstum með hámarks stjórn og beinni tengingu við fluguna – án truflandi samskeyta eða viðnáms.

Helstu eiginleikar:

• Samþættur skothaus og rennilína – engin samskeyti
• Fjölenda (Multi Tip) kerfi fyrir hámarks sveigjanleika
• Mjög fínleg framsetning þrátt fyrir mikil afköst
• Tekur vel við sökkendum og þungum flugum
• Hentar einstaklega vel á einhendur og switch-stangir
• Sambland Scandi/Skagit – kraftur + nákvæmni
• Hæfir öllum kaststílum og kunnáttustigum
• ID merking fyrir skýra auðkenningu
• Notist alltaf með 10′ eða 12′ taum (seldir sér)
• Öflugur kjarni og sterk lykkjusamsetning