Veiðivöruverslun

Nokkrar veiðiverslanir eru starfræktar hérlendis, en þó er engin veiðivöruverslun eins og Veiðiflugur, Langholtsvegi 111 í Reykjavík. Veiðiflugur er sérverslun fluguveiðimannsins sem býður upp á fjölbreytt úrval fluguveiðibúnaðar, allt frá smáflugum upp í tvíhendur. Í netversluninni Veidiflugur.is má finna ríkulegt vöruúrval, s.s. flugustangir, flugulínur, flughjól, vöðlur og vöðluskó ásamt ótal veiðitólum og tækjum. Veiðiflugur kappkosta að veita úrvals þjónustu, byggða á reynslu og þekkingu. Í fyrirtækinu starfa reyndir veiðimenn sem eru fúsir til að aðstoða með val á veiðibúnaði og veita góð ráð.

Veiðiflugur er dreifingaraðili fyrir mörg þekkt vörumerki, þ.á.m. Loop, sem er eitt framsæknasta fyrirtækið í dag, Scott sem er bandarískur flugustangaframleiðandi, Korkers sem sérhæfir sig í framleiðslu á veiðiskóm og Fishpond sem framleiðir vandaðar veiðitöskur og fylgihluti. Þá eru ótalin fjölmörg önnur vörumerki, en þau má öll finna á heimasíðu verslunarinnar.

Veiðiflugur er veiðivöruverslun sem leggur mikla árherslu á að bjóða vandaðan veiðibúnað á sem sanngjörnustu verði. Eitt af megin markmiðum verslunarinnar er að bjóða verð sem eru fyllilega samkeppnishæf við önnur lönd og stuðla þannig að heilbrigðri samkeppni. Þá leitar verslunin sífellt eftir milliliðalausum viðskiptum, til þess eins að halda vöruverði sem lægstu og um leið úrvali sem mestu. Bein vörudreifing er lykilinn að lágu verði og hefur það sýnt sig að verð víða annarsstaðar eru síst lægri en á Íslandi þegar kemur að veiðibúnaði.

Úrval flugna, bæði í lax- og silungsveiði, er óvíða meira en í Veiðiflugum og hvergi er til sparað þegar kemur að gæðum og endingu. Flugur verslunarinnar eru framleiddar eftir ströngum kröfum um góða lökkun, fallega hnýtingu og sterka króka.  Í fluguborði verslunarinnar eru nokkur þúsund gerðir flugna, bæði íslenskar og erlendar. Þá hafa Veiðiflugur ávallt staðið með íslensku handverki, en nú eru fáanlegar flugur eftir tíu íslenska fluguhnýtara.