Guideline Elevation Einhendupakki 9‘ #4

Flottur fluguveiðipakki sem inniheldur Elevation flugustöng, Nova fluguveiðihjól, undirlínu og Presentation+ flotlínu eða aðra sambærilega línu.
Vinsamlegast takið fram óskir um annað línuval í skilaboðareitnum í körfu.

Stöngin í pakkanum er nett meðalhröð einhenda sem hentar sérlega vel í silungsveiði, smærri ár og læki. Hún er létt í hendi, með næman topp og gefur veiðimanni góða línustjórnun á styttra og meðal löngu færi.

Elevation flugustangirnar eru hannaðar fyrir breiðan hóp veiðimanna og byggja á vistvænum áherslum Guideline – þar sem lágmörkuð efnisnotkun og minni umhverfisáhrif ganga hönd í hönd með háum gæðum og frammistöðu. Þær hlaðast jafnt niður í skaft með stöðugum krafti og fyrirgefa vel mistök á kastferlinum.

Stönginni fylgir Nova fluguveiðihjól frá Guideline sem er framleitt úr endurunnum hráefnum, án einnota plastefna. Hjólið er létt, sterkt og byggt fyrir mikla notkun. Sérsniðið bremsukerfi tryggir stöðugan þrýsting í átökum og fullkomna stjórn, og útlitshönnunin byggir á nýrri tækni þar sem styrkur og sjálfbærni fara saman.

Á hjólinu er undirlína og Presentation+ flotlína – fjölhæf lína sem hentar vel þar sem pláss fyrir bakkast er takmarkað. Hún hleðst hratt og ber fluguna vel með mikilli nákvæmni. Línan er stöðug í lofti, mjúk í meðförum og rennur vel – jafnvel í köldum aðstæðum.

Elevation stangarpakkinn með Nova hjóli og Presentation+ línu er frábær kostur fyrir veiðimenn sem sækjast eftir léttri, nákvæmri stöng í vönduðu og vistvænu umhverfi.