Patagonia Swiftcurrent Exp. Vöðlupakki IV

Patagonia Swiftcurrent Expedtion Vöðlupakki IV er settur saman fyrir veiðimenn sem gera miklar kröfur til búnaðarins. Swiftcurrent Expedition eru sterkbyggðar vöðlur frá Patagonia, hannaðar fyrir langa daga, kalt vatn, gróft undirlag og aðstæður þar sem ending og þægindi þurfa að fara saman.

Vöðlurnar eru úr 4-laga H2No™ Performance efni úr endurunnu pólýester. Efri hlutinn er léttari og þægilegur á meðan neðri hlutinn er styrktur með þyngra efni til að standast meira álag. DWR-áferðin hrindir frá sér vatni og er án PFC/PFAS-efna. Vöðlurnar eru framleiddar í Fair Trade Certified™ verksmiðju.

Nýtt og endurbætt snið eykur hreyfigetu og gerir vöðlurnar þægilegri í notkun. Formsaumaðir fætur, sérhannaður klofsaumur og fjarlægjanlegir hnépúðar koma sér vel þegar gengið er mikið, vaðið í erfiðu undirlagi eða kropið við bakka. Í stærri stærðum hefur neðri hluti fóta verið víkkaður lítillega til að bæta hreyfanleika og auðvelda að fara í og úr vöðlunum.

Stillanleg axlabönd með smellum gera kleift að breyta vöðlunum úr uppháum vöðlum í mittisvöðlur þegar aðstæður leyfa. Secure Stretch™ vöðlubelti og beltislykkjur að framan og aftan halda vöðlunum vel á sínum stað og veita góðan stuðning yfir daginn.

Geymslumöguleikar eru vandaðir og vel útfærðir. Að innan er vatnsheldur vasi fyrir síma, lykla eða önnur verðmæti, auk tveggja teygjanlegra vasa fyrir smáhluti. Að utan er stór brjóstvasi með vatnsfráhrindandi rennilás og fóðraður vasi til að verma hendur. Festingar fyrir veiðitól og þurrkunarlykkja á baki auka notagildið.

Sokkarnir eru mótaðir fyrir vinstri og hægri fót og veita góða tilfinningu í vöðluskóm. Slitvarnarhlífar við ökklasvæði verja gegn núningi og styrkja vöðlurnar þar sem mikið mæðir á. Þetta eru vöðlur fyrir erfiðar aðstæður og mikla notkun.

Í pakkanum er val um þrjár útfærslur af vöðluskóm. Patagonia River Salt II eru stöðugir og slitsterkir skór sem henta vel í ám, vötnum og fjölbreyttu undirlagi. Yfirbyggingin er úr Cordura® netefni sem er létt, sterkt og þornar hratt. Hár yfirhluti og stillanleg ökklaól veita góðan stuðning, en gúmmístyrkingar við tá og hæl verja gegn höggum og núningi. Vibram® Megagrip sóli veitir gott grip á blautu og þurru yfirborði og má negla fyrir aukið öryggi.

Foot Tractor vöðluskórnir frá Patagonia og Danner eru einhverjir þeir sterkbyggðustu sem völ er á. Þeir eru handsaumaðir í Portland í Bandaríkjunum og gerðir úr endingargóðu full-grain leðri. Skórnir veita mikinn stuðning og góða vernd þegar vaðið er í grýttu undirlagi eða gengið um krefjandi landslag.

Foot Tractor eru fáanlegir í tveimur útfærslum, annars vegar með neglanlegum Vibram® gúmmísóla og hins vegar með neglanlegum filtsóla. Gúmmísólinn hentar vel þar sem filt er ekki leyfilegt eða þegar þörf er á endingargóðu gripi í fjölbreyttu landslagi. Filtsólinn veitir mjög gott grip við hefðbundnar aðstæður í blautu grjóti. Báðar útgáfur eru með innbyggðu frárennsliskerfi og auðvelt er að fara í skóna og úr þeim, hvort sem þeir eru blautir eða þurrir.