> Létt og öflug tvíhenda fyrir meðalstórar ár
> Nýtist bæði í lax- og sjóbirtingsveiði
> Mjög auðvelt að kasta
> Stendur sig frábærlega þegar vindur blæs á móti
157.900kr.
Á lager
CND Nordic 12,6‘ #7/8 er fjögurra hluta tvíhenda sem vegur aðeins 208 grömm. Þetta er klassísk 12 og hálfs feta stöng sem sameinar snerpu, mýkt og nægilegt afl til að glíma við stóra fiska. Hún er einstaklega auðveld í köstum og tekst á við vind af öryggi, og kemur þannig veiðimönnum skemmtilega á óvart. Frábær kostur fyrir stóran lax í meðalstórum ám – og einnig fyrir þá sem sækja í stóran sjóbirting.
Markmiðið með þróun CND Nordic stangarlínunnar var að gera CND-útgáfu af „Scandi-stöng“. Þó skyldi hún vera með kraftmeiri topp en gengur og gerist í stöngum af þessu tagi, auk þess sem veiðimaður á að finna hvað gerist neðar í stönginni. Útkoman er einstaklega áhugaverð – stangir sem skera sig úr fjöldanum og hafa hlotið lof í prófunum og frá þeim sem hafa tekið þær í notkun.
CND Nordic stangirnar eru smíðaðar úr nýrri gerð kolefnis með Alps hjólasæti, vönduðum korki og koma í Cordura-hólki. Koltrefjarnar voru valdar úr yfir 100 gerðum prepreg-efna til að ná fram þeirri sveigju og virkni sem hentar Scandi-stöngum best. Micro pitch-tækni bætir við spennu og fínhreyfanleika í kasti, og Hitena-epoxý yfir vafningum tryggir endingargott yfirborð og langan líftíma.
Þetta er vel mótuð tvíhenda fyrir veiðimenn sem vilja auðvelt köst, öfluga botnspennu og getu til að fást við stóra fiska í hverskonar aðstæðum.
Við mælum með eftirfarandi línum á stöngina:
Sandá #8
Hofsá #8
Laxá #8
Jöklu sem vegur 450 grain + 15‘ línuenda.
Sog skothausinn sem vegur 425 grain + 15′ línuenda.
