Vandaður vöðlupakki með öflugum vöðlum frá Patagonia og léttum Chrome Lite vöðluskóm frá Korkers. Swiftcurrent Expedition eru flaggskip Patagonia, hannaðar fyrir krefjandi veiðar og langa daga við ána.
144.900kr.
Patagonia Swiftcurrent Expedition Vöðlupakki I sameinar sterkbyggðar og vandaðar vöðlur frá Patagonia og létta, lipra vöðluskó frá Korkers. Swiftcurrent Expedition eru gerðar fyrir veiðimenn sem nota búnaðinn mikið og þurfa að geta treyst honum í fjölbreyttum aðstæðum.
Vöðlurnar eru framleiddar úr 4-laga H2No™ Performance efni úr endurunnu pólýester. Efri hlutinn er léttari og þægilegur á meðan neðri hlutinn er styrktur með þyngra efni til að auka slitþol þar sem álagið er mest. Vatnsfráhrindandi DWR-áferðin er án PFC/PFAS-efna og vöðlurnar eru framleiddar í Fair Trade Certified™ verksmiðju.
Snið vaðlanna hefur verið endurbætt til að auka hreyfigetu og þægindi. Formsaumaðir fætur, sérstakt klofsnið og fjarlægjanlegir hnépúðar gera þær þægilegar í notkun yfir langan dag, hvort sem verið er að ganga, vaða eða krjúpa við bakka. Í stærri stærðum hefur neðri hluti fóta verið víkkaður lítillega til að auðvelda hreyfingu og gera einfaldara að fara í og úr vöðlunum.
Stillanleg axlabönd með smellum gera kleift að færa efri hluta vaðlanna niður og nota þær sem mittisvöðlur þegar aðstæður leyfa. Secure Stretch™ vöðlubelti og lykkjur að framan og aftan halda öllu vel á sínum stað. Þessi sveigjanleiki kemur sér vel þegar veður breytist eða þegar mikið er gengið milli veiðistaða.
Geymslumöguleikar eru vel útfærðir. Að innan er vatnsheldur vasi fyrir verðmæti á borð við síma eða lykla, auk tveggja teygjanlegra vasa fyrir smáhluti. Að utan er stór brjóstvasi með vatnsfráhrindandi rennilás og vasi til að verma hendur. Festingar fyrir veiðitól og þurrkunarlykkja á baki auka notagildið enn frekar.
Neðst eru slitvarnarhlífar við ökklasvæði og sokkarnir eru mótaðir fyrir vinstri og hægri fót til að tryggja þægindi, sérstaklega þegar staðið er lengi í köldu vatni. Uppbyggingin er sterk, útfærslan vönduð og öll smáatriði miða að því að gera vöðlurnar endingargóðar og þægilegar í mikilli notkun.
Chrome Lite vöðluskórnir frá Korkers eru léttir, liprir og innblásnir af íþróttaskóm. Þeir eru með BOA® vírakerfi sem gerir auðvelt að herða þá og losa, og Kling-On Rock™ sóli veitir gott grip á bæði blautu og þurru undirlagi. Skórnir eru með lágan prófíl, góða hreyfigetu og innra frárennsliskerfi sem losar vatn fljótt úr þeim. Þetta er góður pakki fyrir veiðimenn sem vilja sterkar vöðlur en létta skó sem henta vel þegar gengið er mikið.
