Vandaður vöðlupakki með öflugum rennilásavöðlum og góðum vöðluskóm. Alta NGx Zip eru meðal bestu vaðla Guideline og í pakkanum er hægt að velja á milli Chrome Lite frá Korkers eða Alta NGx vöðluskóa með Vibram® sóla.
135.900kr.
Alta NGx Zip Vöðlupakki II er vel samsettur pakki þar sem saman fara úrvals rennilásavöðlur og vöðluskór sem henta við fjölbreyttar aðstæður. Alta NGx Zip eru vönduðustu rennilásavöðlur Guideline og skila mikilli vatnsheldni, frábærri öndun og þægindum yfir langan veiðidag.
Snið vaðlanna er rúmgott á réttum stöðum, meðal annars yfir hné og setsvæði, svo þær fylgi hreyfingum notandans án þess að strekkjast eða skapa óþarfa viðnám. Styrking í klofi eykur endingu og hreyfanleika þegar gengið er með árbökkum eða vaðið í krefjandi aðstæðum. Efri hlutann má stilla eftir veðri og klæðnaði.
Ergo Elevator™ axlaböndin eru teygjanleg, stillanleg og bólstruð með neoprene til að auka þægindi. Seglar á axlaböndunum gera auðvelt að losa þau og breyta vöðlunum í mittisvöðlur þegar aðstæður leyfa. Á axlaböndunum eru einnig Hypalon festingar fyrir aukahluti á borð við töng eða önnur smáverkfæri.
Að framan er vatnsheldur TIZIP® MasterSeal rennilás sem auðveldar að fara í og úr vöðlunum. Tveir stórir brjóstvasar veita gott pláss fyrir flugubox og veiðidót og flísfóðraðir vasar koma sér vel þegar þarf að verma hendur. Vasarnir eru með YKK AquaGuard® rennilásum sem hrinda frá sér slettum og léttum raka. Að innanverðu er renndur AquaGuard® vasi fyrir smáhluti og aftan á hálsi er D-lykkja fyrir háf.
Þrjár beltislykkjur halda teygjanlegu gúmmíbelti á sínum stað og veita góðan stuðning, sérstaklega þegar aukahlutir eru festir við beltið. Sandhlífarnar eru úr slitsterku nylon-neoprene efni með teygju og málmkrók sem heldur þeim vel yfir vöðluskónum. Sokkarnir eru úr Comfort Plus™ neoprene og eru mótaðir eftir fótum til að tryggja góða passa og þægindi.
Í pakkanum er val á milli tveggja ólíkra vöðluskóa. Chrome Lite skórnir frá Korkers eru léttir, liprir og með BOA® vírakerfi sem gerir þá fljótlega og þægilega í notkun. Þeir henta vel þegar gengið er mikið og sportlegt snið þeirra veitir góða hreyfigetu.
Alta NGx vöðluskórnir frá Guideline eru sterkbyggðir og með Vibram® Idrogrip gúmmísóla sem veitir gott grip á blautu og sleipu undirlagi. Stífur miðsóli og styrkingar á tá, hæl og neðri hluta skósins veita góðan stuðning í grófu landslagi og gera þá að traustum valkosti fyrir krefjandi veiðidaga.
