Loop Dry 25L Yellow Bakpoki

Virkilega flottur bakpoki frá Loop sem er algjörlega vatnsheldur og framleiddur úr sterku 600*1200 Denier-nælonefni. Hann er hannaður með þarfir veiðimannsins í huga en nýtist að sjálfsögðu í ýmsa útivist. Framan á bakpokanum er laser-skorin rist sem býður upp á ótal festipunkta, s.s. til að hengja taumaspóluhaldara, taumaklippur, tangir, vatnshitamæli eða önnur veiðitól. Á hliðum bakpokans eru stórir teygjanlegir vasar sem rúma m.a. vatnsbrúsa eða stangarhólka. Innan í pokanum er renndur vasi undir það allra mikilvægasta. Þá eru á honum tvö burðarhandföng, auk D-lykkju fyrir veiðiháfinn. Bakpokinn er með svokallaðri roll-top lokun og rúmar 25 lítra.

Axlarólar bakpokans eru þægilegar og henta vel þegar gengið er yfir langan veg. Ólarnar eru ofnar svo hægt sé að festa á þær ýmiskonar tæki og tól. Baksvæðið er hannað þannig að raki eigi greiða leið frá notandanum. Mittisbeltið má stilla hratt og auðveldlega með hliðarlásum, svo ekki þarf að kvíða þótt flíkum notandans fækki eða fjölgi. Beltið veitir góðan stuðning þegar bornar eru þungar birgðir, en sé þess ekki þörf er einfalt að smella því af bakpokanum.