Sterkur og vel útbúinn vöðlupakki með rennilásavöðlum úr fjögurra laga nælonefni. Laxá Zip vöðlurnar bjóða upp á góða endingu og þægindi, og í pakkanum er val á milli Darkhorse eða Devils Canyon vöðluskóa frá Korkers.
97.900kr.
Laxá Zip Vöðlupakki III er hannaður fyrir veiðimenn sem vilja áreiðanlegan búnað sem þolir álag og krefjandi aðstæður. Vöðlurnar eru gerðar úr slitsterku fjögurra laga nælonefni sem veitir góða vatnsheldni, öndun og langa endingu. Efnið er meðhöndlað til að hrinda frá sér vatni og óhreinindum og saumar eru lokaðir með Sidewinder-tækni sem eykur bæði styrk og hreyfigetu.
Framan á vöðlunum er vatnsheldur TIZIP-rennilás sem gerir einfalt að fara í þær og úr. Á brjóstinu eru tveir rúmgóðir vasar með lóðréttum rennilásum fyrir flugubox og annað veiðidót. Á hliðum eru flísfóðraðir vasar til að verma hendur. Axlarbönd eru stillanleg og vöðlubeltið teygjanlegt með festingu að aftan. Sandhlífar með teygju halda vel yfir vöðluskónum og sokkarnir eru úr þéttu neoprene efni, mótaðir fyrir hvorn fót til aukinna þæginda.
Í pakkanum er val á milli tveggja traustra vöðluskóa frá Korkers. Devils Canyon skórnir eru léttir og liprir, með góðan ökklastuðning og frárennsliskerfi sem tryggir að vatn fari fljótt úr skónum. Þeir henta vel fyrir fjölbreyttar aðstæður þar sem þægindi skipta máli.
Darkhorse skórnir eru sterkbyggðari og bjóða upp á meiri stöðugleika. Þeir eru með 3PFS-kerfi sem styður við ökkla og liðbönd og eykur öryggi á grófu undirlagi. Báðir skórnir eru með M4 BOA® vírakerfi sem gerir auðvelt að stilla þá nákvæmlega að fæti, auk þess sem þeir eru með útskiptanlegum OmniTrax-sólum þar sem fylgja bæði gúmmí- og filtbotnar.
Tacky Pescador Medium- Clear- Dynamic Foam Flugubox 
