Alta NGx Zip Vöðlupakki III

Sterkur og vel búinn vöðlupakki með rennilásavöðlum úr efstu hillu og vöðluskóm frá Korkers. Alta NGx Zip eru meðal bestu vaðla Guideline og í pakkanum er val á milli Devils Canyon eða Darkhorse vöðluskóa.

139.900kr.

Alta NGx Zip Vöðlur

Hreinsa

Devils Canyon Vöðluskór

Darkhorse Vöðluskór

Alta NGx Zip Vöðlupakki III er vel samsettur pakki fyrir krefjandi veiðidaga, þar sem góðar rennilásavöðlur og vandaðir Korkers vöðluskór vinna vel saman. Vöðlurnar eru þær vönduðustu frá Guideline og skila mikilli vatnsheldni, mjög góðri öndun og þægindum.

Sniðið er rúmgott þar sem þess þarf, meðal annars yfir hné og setsvæði, svo vöðlurnar fylgi hreyfingum án þess að strekkjast eða hefta notandann. Styrking í klofi eykur endingu og hreyfanleika þegar gengið er með árbökkum, klöngrast yfir ójafnt undirlag eða vaðið í erfiðari aðstæðum. Efri hluta vaðlanna má stilla eftir veðri og klæðnaði.

Ergo Elevator™ axlaböndin eru teygjanleg, stillanleg og bólstruð með neoprene til að auka þægindi. Seglar á axlaböndunum gera auðvelt að losa þau og færa efri hluta vaðlanna niður, þannig að hægt er að nota þær sem mittisvöðlur þegar aðstæður leyfa. Á axlaböndunum eru Hypalon festingar fyrir töng og aðra aukahluti.

Að framan er vatnsheldur TIZIP® MasterSeal rennilás sem auðveldar að fara í og úr vöðlunum. Tveir rúmgóðir brjóstvasar henta vel fyrir flugubox og annað veiðidót og flísfóðraðir vasar koma sér vel þegar þarf að verma hendur. YKK AquaGuard® rennilásar verja vasana fyrir slettum og léttum raka. Að innanverðu er renndur AquaGuard® vasi fyrir smáhluti og aftan á hálsi er D-lykkja fyrir háf.

Þrjár beltislykkjur halda teygjanlegu gúmmíbelti á sínum stað og veita góðan stuðning, sérstaklega þegar aukahlutir eru festir við beltið. Sandhlífarnar eru úr slitsterku nylon-neoprene efni með teygju og málmkrók sem heldur þeim vel yfir vöðluskónum. Sokkarnir eru úr Comfort Plus™ neoprene og mótaðir eftir fótum til að tryggja góða passa.

Í pakkanum er val á milli tveggja sterkra vöðluskóa frá Korkers. Devils Canyon eru léttir og þægilegir, falla vel að fæti og veita góðan ökklastuðning. Frárennslisrásir losa vatn fljótt úr skónum þegar komið er upp á bakka og styrkingar á tá og hæl auka endingu.

Darkhorse skórnir eru kraftmeiri í uppbyggingu og bjóða upp á meiri stuðning. Þeir eru með 3PFS-kerfi sem styður við ökkla og liðbönd og skorðar fótinn vel. Báðir skórnir eru með M4 BOA® vírakerfi og útskiptanlegum OmniTrax-sólum þar sem fylgja bæði gúmmí- og filtbotnar.