Öflugur vöðlupakki með slitsterkum fjögurra laga vöðlum og vönduðum vöðluskóm fyrir krefjandi aðstæður. Laxá Zip vöðlurnar eru þægilegar í notkun og í pakkanum eru River Ops BOA vöðluskór frá Korkers.
107.900kr.
Laxá Zip Vöðlupakki IV er traustur kostur fyrir þá sem vilja búnað sem stenst mikla notkun. Vöðlurnar eru úr fjögurra laga efni sem sameinar góða vatnsheldni, öndun og slitþol. Þessi uppbygging gerir þær bæði endingargóðar og þægilegar í hreyfingu. Efnið er meðhöndlað til að hrinda frá sér vatni og óhreinindum og saumar eru lokaðir með Sidewinder-tækni sem styrkir vöðlurnar enn frekar.
Rennilás að framan frá TIZIP einfaldar notkunina til muna og gerir auðvelt að komast í og úr vöðlunum. Á brjóstinu eru tveir rúmgóðir vasar með lóðréttum rennilásum fyrir veiðidót og flugubox. Á hliðum eru hlýir, fóðraðir vasar fyrir hendur. Axlarbönd og belti eru teygjanleg og stillanleg þannig að auðvelt er að laga vöðlurnar að líkamanum. Sandhlífar með teygju halda vel yfir vöðluskónum og neoprene sokkar eru mótaðir fyrir hvorn fót til að auka þægindi.
River Ops BOA vöðluskórnir frá Korkers eru hannaðir fyrir þá sem setja miklar kröfur til endingar og stöðugleika. Skórnir eru sterkbyggðir og þola vel hnjask í grófu undirlagi. BOA® vírakerfið gerir kleift að herða þá hratt og jafnt og tryggir örugga festu á fætinum.
Þetta er búnaður sem hentar vel fyrir langa daga við veiðar þar sem bæði áreiðanleiki og þægindi skipta máli.
Loop Trak 11' #7 
