Experience Amber Veiðigleraugu

Experience veiðigleraugun eru þau bestu frá Guideline. Linsa þeirra er framleidd úr næloni sem veitir mikinn skýrleika, lágmarks bjögun og hámarks ljósflutning. Umgjörðin er nútímaleg og tímalaus, tilvalin við ánna eða til hversdags nota. Formið er örlítið bogið svo ljós kemst síður inn á hliðum gleraugnanna. Á nefsvæðinu er gúmmíkantur sem gerir það að verkum að gleraugun sitja vel á höfðinu og renna síður fram.

Gulbrún linsan er góð til alhliða nota og hentar vel yfir hádaginn þegar bjart er í veðri. Gleraugun eru með polarized linsu sem hindrar 100% af skaðlegum UVA og UVB geislum sólarinnar. Þau koma í endingargóðu hörðu hulstri ásamt hreinsiklút.

Polarized linsur brjóta niður endurkast af yfirborði og draga verulega úr glampa, sem verður til þess að auðveldara er að sjá fisk í vatni.