Kynningarefni
Loop Opti – Colours of the Wild
Loop Opti fluguhjólin hafa í áraraðir verið meðal áreiðanlegustu og vinsælustu hjólanna á Íslandi. Þau sameina stílhreina hönnun, einstakt jafnvægi og hið þekkta Power Matrix bremsukerfi sem hefur gert Opti að fyrsta vali fjölmargra veiðimanna.
Nú fær línan ferska andlitslyftingu með þremur nýjum litum sem kallaðir eru Colours of the Wild. Litirnir sækja innblástur beint í náttúruna og endurspegla kyrrð, kraft og fegurð hennar:
- Aurora Turquoise – grænblár litur sem fangar orku norðurljósanna.
- Twilight Violet – djúpur blær sem minnir á síðkvöld við árbakkann.
- Mist Silver – kyrrð og einfaldleiki morgunþokunnar yfir vatninu.
Veiðiflugur eru á meðal fyrstu verslana í heiminum til að bjóða þessa nýju liti. Hjólin eru þegar fáanleg í verslun og netverslun, en aðeins í takmörkuðu upplagi.
Loop Opti Dry Fly
Sérhannað fyrir silungsveiði og fíngerða fluguveiði þar sem nákvæmni skiptir öllu. Léttasta hjólið í línunni, aðeins 135 grömm, hannað fyrir einhendur í línuþyngdum #4–6. Fullkomið jafnvægi, V-laga spóla og Power Matrix bremsukerfi gera Dry Fly að draumahjóli silungsveiðimanna.
Loop Opti Rapid
Frábært hjól í fjölbreytta veiði, hvort sem er í bleikju, staðbundinn urriða, sjóbirting eða lax. Hentar einhendum í línuþyngdum #6–8 og smellpassar einnig á léttar switch-stangir. Þrátt fyrir mikinn styrk vegur það aðeins 210 grömm. Breiðkjarna, V-laga spóla og áreiðanleg Power Matrix bremsa tryggja afköst í öllum aðstæðum.
Loop Opti Runner
Eitt söluhæsta hjólið frá Loop. Með tiltölulega mikið þvermál sem tryggir hraða línuinntöku og gefur því kraftmikið yfirbragð. Hentar einhendum í línuþyngdum #7–9 og er jafnframt frábært á switch-stangir. Vegur 235 grömm og sameinar styrk, fjölhæfni og jafnvægi.
Loop Opti Speedrunner
Glæsilegt tvíhenduhjól með mikið þvermál sem tryggir hraða og örugga línuinntöku – sérstaklega hannað fyrir laxinn. Hentar tvíhendum í línuþyngdum #6–8 og vegur aðeins 245 grömm. Sameinar kraft, léttleika og fegurð í einu hjóli. Breiðkjarna V-laga spóla og Power Matrix bremsa gera Speedrunner að áreiðanlegum félaga í laxveiði.
Loop Opti Strike
Öflugasta hjólið í línunni, hannað fyrir átök við stóra laxa. Með mikið spólurými tekur það umtalsvert magn af undirlínu. Hentar tvíhendum í línuþyngdum #7–10 og byggt fyrir veiðimenn sem vilja ekkert minna en hámarksafköst.
Colours of the Wild færa Loop Opti hjólunum ferskan blæ og tengir þau enn sterkar við náttúruna sem við öll sækjumst í. Hvort sem þig heillar grænblár kraftur norðurljósanna, djúpur blær síðkvöldsins eða kyrrð morgunþokunnar, þá er til litur sem talar til þín.