Patagonia Swiftcurrent vöðlujakki – Utility Blue
Patagonia Swiftcurrent er öflugur vöðlujakki fyrir þá sem vilja áreiðanlegan búnað. Jakkinn er búinn til úr fjögurra laga H2No™ efni sem er bæði vatns- og vindhelt. Það er unnið úr 100% endurunnu NetPlus™ næloni sem fengið er úr ónothæfum fiskinetum. PFC-frí DWR vatnsfráhrindandi áferð og límdir saumar veita frábæra vörn gegn rigningu.
Hagnýt hönnunin kemur sér vel á löngum dögum við veiðar. Tveir flatir brjóstvasar með vatnsheldum rennilásum rúma flugubox og smáhluti – án þess að trufla notkun annarra burðarkerfa. Á hliðunum eru vasar til að verma hendur, staðsettir hátt til að haldast þurrir þegar vaðið er djúpt. Stillanleg hetta með háum kraga ver höfuð og háls gegn veðri og vindum, og neðst á jakkanum er teygjusnúra í faldi sem má laga eftir aðstæðum.
Ermarnar eru með vatnsheldum lokunum sem auðvelt er að stilla – sérstaklega nytsamlegt þegar fiski er sleppt. Að innan eru tveir vasar, þar af einn rennilásavasi sem heldur verðmætum öruggum. Swiftcurrent-jakkinn nýtur sín best þar sem aðstæður eru krefjandi og veðrið óútreiknanlegt. Hann hentar einstaklega vel sem ysta lag með einangrandi flík undir og er framleiddur með umhverfisábyrgð í huga.
Helstu eiginleikar:
- Vatns- og vindheldur vöðlujakki úr 100% endurunnu næloni
- Fjögurra laga H2No® Performance Standard skel með mjúku innra lagi
- PFC-frí DWR vatnsfráhrindandi yfirborðsáferð
- Tveir flatir, vatnsheldir brjóstvasar – rúma flugubox og annað veiðidót
- Vasar til að verma hendur, staðsettir hátt
- Innri vasar, þar af einn með rennilás fyrir verðmæti
- Stillanleg hetta með innbyggðum kraga – góð vörn gegn roki og regni
- Vatnsheldar, stillanlegar ermalokanir sem haldast á sínum stað
- Stillanlegur faldur með teygju fyrir betri þéttleika og hreyfigetu
- Fair Trade Certified™ framleiðsla
