Patagonia River Salt Ink Black Vöðlujakki

River Salt vöðlujakkinn frá Patagonia er framleiddur úr fjögurra laga vatnsheldu öndunarefni sem kallast H2No®, sem er einkennismerki vatnshelds fatnaðar frá fyrirtækinu. Jakkinn er afar slitsterkur og endingargóður enda hannaður til að standast álagið í krefjandi aðstæðum.

Vöðlujakkinn er með vatnsheldum YKK-rennilás, en framan á honum eru tveir rúmgóðir brjóstvasar undir fluguboxin með vatnsvörðum rennilásum. Á hvorri hlið eru fóðraðir vasar til að hvíla eða verma hendur. Að innanverðu er netapoki sem nýtist fyrir húfu, vettlinga eða flugnanet, auk rennds vasa undir síma eða bíllykla. Festingar eru framan á jakkanum sem nýtast til að hengja losunartöng, taumaklippur eða önnur veiðitól. D-lykkja er á baki sem hugsuð er fyrir veiðiháf.

Hettan er stillanleg og hönnuð þannig að hún haldist á sínum stað og skýli andlitinu í miklum vindi. Ermar eru með úlnliðsböndum til að varna því að vatn leiti upp hendurnar. Það kemur sér vel þegar fiski er sleppt, en ekki síður í mikilli rigningu. Jakkann má taka saman í mitti eftir innanundirklæðnaði hverju sinni.

Fair Trade Certified™

Patagonia stendur framarlega þegar kemur að umhverfis- og mannauðsmálum. Megnið af fatnaði fyrirtækisins er framleiddur með Fair Trade-vottun sem þýðir að Patagonia greiðir hærra verð fyrir hverja framleidda vöru. Umfram fjármagn rennur beint til þess starfsfólks sem kemur að framleiðslunni sem stuðlar að bættum lífskjörum verkafólks

Lesa meira

Endurunnin efni

Í framleiðslu jakkans er notað pólíester sem er að stærstum hluta úr endurunnu efni, eða rúmlega 80%. Með endurvinnslu efnisins dregur fyrirtækið úr notkun jarðolíu og minnkar þar með útblástur gróðurhúsalofttegunda. Þá má endurvinna jakkann að líftíma hans loknum og halda hringrásinni þannig gangandi.

Lesa meira