Patagonia Stealth Pack S. Khaki Veiðivesti

Stealth er nýstárlegt veiðivesti frá Patagonia sem hefur fyrir löngu sannað ágæti sitt. Það býr að mörgum góðum eiginleikum, enda bæði fjölhæft og þægilegt notkunar. Vestið er framleitt úr 100% endurunnu pólýesteri með teygjanlegum hliðum til að tryggja góða hreyfigetu.

Framan á vestinu eru tveir rúmgóðir renndir vasar auk margra minni vasa sem rúma allt sem þarf við veiðar. Að auki eru nokkrir lokanlegir öryggisvasar fyrir símann, bíllykla og annan búnað. Í vestinu er innbyggður stangahaldari sem kemur sér vel þegar skipta þarf um flugu út í vatni. Þá er á því flugupaddi auk margra festipunkta fyrir áhöld. Á hliðum eru bönd til að stækka og minnka vestið eftir því hve vel klæddur notandinn er. Aftan á vestinu er stórt rennt hólf sem má nýta undir fatnað, nesti eða annan búnað. Stealth veiðivestið er framleitt í Fair Trade vottaðri verksmiðju.