Veiðiflugur

Veiðiflugur er dreifingaraðili fyrir fjölmörg vörumerki, s.s. Loop sem er eitt virtasta fluguveiðimerkið í dag, Korkers sem sérhæfir sig í framleiðslu á endingargóðum vöðluskóm og Fishpond sem einbeitir sér að framleiðslu veiðitaska og fylgihluta tengdum veiði. Þá hefur félagið dreifingarrétt á vörum frá Kamasan, Stonfo, Nautilus, Loon Outdoors, Scott, Hatch, Costa, Frog Hair, Rapid, Mepps, Aquaz, Mustad og Richard Wheatley. Að auki bjóða Veiðiflugur veiðivörur frá mörgum öðrum framleiðendum, s.s. Echo, Guideline, C&F, Einarsson, Griffin, Marryat, Nám og Partridge svo nokkrir séu nefndir.

Í Veiðiflugum starfa veiðimenn með víðtæka reynslu á sviði fluguveiði. Allt okkar góða starfsfólk hefur lagt stund á stangveiði frá barnsaldri og veitt með mörgum af reyndustu veiðimönnum landsins. Yfirgripsmikil þekking og haldbær reynsla er því til staðar í fyrirtækinu sem gerir Veiðiflugum kleift að veita frammúrskarandi þjónustu og ráðgjöf. Hvort sem þig vantar góð ráð eða eða vandaðan veiðibúnaði þá er starfsfólk Veiðiflugna boðið og búið til að aðstoða.

Skipta gæði flugna máli?
Veiðiflugur eru ekki endilega það sama og veiðiflugur, nema síður sé. Fjölmörg fyrirtæki um heim allan framleiða flugur til veiða. Eðli málsins samkvæmt eru gæði framleiðslunnar æði misjöfn, enda kunnátta og þekking víða af skornum skammti. Það er gjarnan sagt að verðið tryggi gæðin, það á svo sannarlega við um veiðiflugur. En hvaða máli skipta gæðin?

Það eru nokkur atriði sem hafa ber í huga. Í fyrsta lagi eru ódýrar flugur eðlilega hnýttar á ódýra króka. Ef krókurinn er góður þá er næsta víst að hann er ekki ódýr. Fátt leiðinlegra en að missa fisk ef réttist úr króknum eða hann brotnar. Í öðru lagi er það handbragðið sem er nær undantekningarlaust lélegt á ódýrum flugum. Slíkar flugur eru eins og aðrar, handgerðar, en illa hnýttar, efnisval dapurt og lökkun ábótavant. Það er ekki sérlega spennandi þegar flugan raknar upp eftir nokkur köst. Í þriðja lagi má svo velta því fyrir sér siðferðislegu hliðinni, þ.e. hvaða starfsmaður, hvar svo sem í heiminum hann er staddur, getur framleidd svo ódýra flugur að þær kosti lítið sem ekkert? Þá er vert að hafa í huga að iðulega er álagning á dýrari flugur mun minni en á þeim ódýrari.

Veiðiflugur bjóða aðeins upp á hágæða flugur sem hnýttar eru af framúrskarandi fluguhnýturum. Uppistaða framleiðslunnar kemur frá viðurkenndum fyrirtækjum þar sem aðbúnaður starfsfólks er eins og best verður á kosið. Hvergi er slakað á gæðakröfum, hvorki í efnisvali eða hnýtingu. Það er því engin tilviljun að sífellt fleiri veiðimenn kjósi Veiðiflugur þegar kemur að veiðiflugum.