Patagonia Foot Tractor Filt Vöðluskór

Foot Tractor vöðluskórnir frá Patagonia veita öflugan stuðning og vernd í krefjandi aðstæðum. Þeir eru einhverjir þeir sterkbyggðustu á markaðnum í dag. Skórnir eru með neglanlegum filtsóla sem veitir gott grip í fjölbreyttu undirlagi. Vöðluskórnir eru hannaðir og framleiddir í samstarfi með Danner® og eru þeir handsaumaðir í Portland í Bandaríkjunum.

Vöðluskórnir eru gerðir úr leðri (e. Full-Grain Leather) sem er verulega endingargott. Reimarnar eru þræddar í gegnum augu yfir ristina, en að ofanverðu eru þær kræktar. Afar þægilegt er að fara í og úr skónum, hvort sem þeir eru blautir eða þurrir. Foot Tractor eru með innbyggðu frárennsliskerfi svo þeir þorna fljótt þegar á bakkann er komið.