Loop ZX Einhendupakki 10′ #6

Virkilega vandaður fluguveiðipakki sem inniheldur Loop ZX einhendu, Loop Evotec G5 fluguveiðihjól, undirlínu og Þverá flotlínu eða aðra sambærilega línu. Vinsamlegast takið fram óskir um annað línuval í skilaboðareitnum í körfu.

Þessi fluguveiðipakki nýtist vel í silungsveiði í vötnum þar sem von er á stórum fiskum. Stöngin var upphaflega hönnuð í vatnaveiði en raunin var þó sú að hún nýtist einnig í lax- og sjóbirtingsveiði. Hún er mjög öflug en er þrátt fyrir það skemmtileg í fiski. Stöngin ber þungar línur og stórar flugur. Þessi flugustöng hentar vel í íslenska veðráttu og er heppileg þegar vindstyrkur er mikill.

Loop ZX einhendurnar eru hraðar (e. fast action) og nýtast best þeim sem eru með tiltölulega hraðan kaststíl. Þær henta vel í yfirhandarköst og bera þungar línur og stórar flugur. Stangirnar eru virkilega öflugar og eru kjörnar í stærri fiska og krefjandi aðstæður. Þær eru umtalsvert léttari og sterkari en forveri þeirra Cross SX, þökk sé nýrri nano resin tækni sem er umtalsvert betri en áður. Að auki er sérhver stöng framleidd með 40–45 tonna nano graphene koltrefjum sem tryggir góða næmni, en um leið mikið afl.

Z stangirnar eru öflugustu hringlaga stangir sem Loop hefur nokkru sinni framleitt. Hver stöng er með þægilegt handfang sem framleitt er úr korki í hæsta gæðastuðli, sérhannað fislétt hjólasæti og keramikfóðraðar lykkjur úr títaníum.

Stönginni fylgir Loop Evotec G5 sem er fimmta kynslóðin af þeim frábæru fluguveiðihjólum. Þau eru þekkt fyrir stílhreint útlit og einstök gæði. Evotec G5 er með „Power Matrix Drag System“ sem er einn áreiðanlegasti bremsubúnaður sem fyrirfinnst í veiðihjólum. Það kerfi hefur Loop notað til margra ára enda fyrir löngu sannað ágæti sitt. Bremsan tryggir jafnt áreynslulaust átak og veitir þannig veiðimanni mikið forskot. Búnaðurinn er algjörlega lokaður og vatnsheldur.

Hjólið er framleitt úr renndu áli en aðrir hlutir þess eru m.a. gerðir úr áli og ryðfríu stáli. Útlit þess er virkilega fallegt og fær málmgrár liturinn að njóta sín. Á því eru nýir endurhannaðir bremsuhnappar sem veita notandanum betri stjórn á bremsubúnaðinum. Þá hefur spóluhnappinum verið breytt þannig að hann auki heildarstyrk rammans og veiti betra grip þegar skipt er um spólur.

Á hjólinu er undirlína og Þverá flotlína. Kaupendur hafa einnig val um að velja aðra línu, hvort heldur flot- eða sökklínu. Þverá er kraftmikil og nákvæm lína með stuttum skothaus sem hleður stöngina auðveldlega og veitir gott jafnvægi og stjórn í kastinu. Hún rennur mjúklega í gegnum lykkjur stangarinnar og leggst létt á vatnsflötinn – jafnvel við krefjandi aðstæður og í vindi.

Línan er með sleipri kápu og tvílita hönnun: gráleitur skothaus og appelsínugul rennilína auðvelda bæði yfirsýn og tímasetningu kasta. Þverá nýtur sín í fjölbreyttum kaststílum og við ólíkar aðstæður, allt frá stilltum morgni í vatni til straumveiði í vindi.

Loop ZX stangarpakkinn er í alla staði vandaður og hentar þeim sem kjósa gæði og áreiðanleika.